Türkiyə Xarici İşlər Nazirliyi beynəlxalq ictimaiyyəti və xüsusilə də BMT Təhlükəsizlik Şurasını İsrailin Qəzza zolağının cənubundakı Rəfah şəhərindəki hərəkətlərinə qarşı tədbir görməyə çağırıb.
“İsrailin Qəzza zolağında artıq törətdiyi dağıntı və qırğınlardan sonra Rəfah şəhərinə hücumlarının artması bizi son dərəcə narahat edir. Biz bu əməliyyatı qəzzalıları öz torpaqlarından qovmaq planının bir hissəsi hesab edirik. Qəzzada humanitar faciəni daha da pisləşdirəcək və bölgədə davamlı atəşkəsin təmin edilməsi səylərini sarsıdacaq hücumlar davam edir. Biz beynəlxalq ictimaiyyəti, xüsusilə də BMT Təhlükəsizlik Şurasını İsraili dayandırmaq üçün lazımi addımları atmağa çağırırıq”, – deyə departamentin bəyanatında deyilir. (Tass)
