Türkiyənin xarici işlər naziri Hakan Fidan ABŞ-ın dövlət katibi Antoni Blinkenlə telefon danışığı keçirərək, o, amerikalı həmkarına İsveçin dekabrın 26-da Türkiyə Parlamentinin Beynəlxalq Əlaqələr Komissiyası tərəfindən NATO-ya üzv olmaq ərizəsinin təsdiqlənməsi barədə məlumat verib və Vaşinqtonun Ankaraya F-16 qırıcılarının satışını sürətləndirməyi xaiş edib. TRT Haber telekanalı diplomatik mənbələrə istinadən xəbər verir ki, söhbət Amerika tərəfinin təşəbbüsü ilə baş tutub.
“Xarici işlər naziri Fidan İsveçin Türkiyə parlamentində NATO-ya üzv olmaq üçün müraciətinin ratifikasiya prosesinin davam etdiyini bildirib, ABŞ administrasiyasını və Konqresi F-16-ların satışı ilə bağlı müttəfiqlik ruhunu rəhbər tutmağa çağırıb”.
Türkiyə və ABŞ diplomatik idarələrinin rəhbərləri Qəzzadakı son hadisələri də müzakirə ediblər. Bununla əlaqədar olaraq, Fidan bölgədə tezliklə atəşkəs əldə olunması və davamlı sülhün təmin edilməsi üçün danışıqlara başlanmasının tərəfdarı olduğunu bildirib, Türkiyə Xarici İşlər Nazirliyi məlumat yayıb. (Tass)