Milli Müdafiə Nazirliyi İraqın şimalında separatçı terror təşkilatı üzvlərinin həyata keçirdiyi hücumda 3 əsgərin şəhid olduğunu, 4 əsgərin isə yaralandığını açıqlayıb. Terrorçuların qaçış istiqamətlərinə qarşı həyata keçirilən hava əməliyyatlarında ilkin təsbitlərə görə 4 terrorçu zərərsizləşdirilib.
Milli Müdafiə Nazirliyinin bəyanatında aşağıdakı ifadələrdən istifadə edilib:
“22 dekabr 2023-cü il tarixində separatçı terror təşkilatı üzvlərinin İraqın şimalında həyata keçirdikləri hücum və sonrakı təmasda 3 qəhrəman yoldaşımız şəhid olub, 4 qəhrəman yoldaşımız yaralanıb.
Bölgədə separatçı terror təşkilatına qarşı aparılan əməliyyatlar çərçivəsində təmas davam edir. Müəyyən edilmiş hədəflərə və terrorçuların qaçış istiqamətlərinə qarşı qəfil hava əməliyyatları həyata keçirilib. İlkin məlumatlara görə, 4 terrorçu zərərsizləşdirilib. (TRT Haber)