Türkiyənin qərbində 6,1 bal gücündə zəlzələ baş verib.
Seysmik hadisə yerli vaxtla saat 19:53-də (Bakı vaxtı ilə 20:53 ) qeydə alınıb. Yeraltı təkanların episentri Balıkesir vilayətində, 11 km dərinlikdə yerləşib.
Avropa-Aralıq dənizi Seysmoloji Mərkəzinin ( EMSC ) məlumatına görə, yeraltı təkanların maksimal gücü 6,0 bal olub. “TRT Haber” telekanalı zəlzələnin ölkənin qərbində ən azı 10 ərazidə təxminən 20-30 saniyə hiss edildiyini bildirib. Onların bəziləri hazırda mobil rabitə ilə bağlı problemlər yaşayır.