Türkiyənin cənub-şərqində baş verən təbii yanğın nəticəsində azı 5 nəfər ölüb, 40-dan çox insan yaralanıb, ölkənin səhiyyə naziri Fahrettin Koca bildirib.
O, sosial şəbəkədə yazıb: “Yanğın nəticəsində 5 nəfər ölüb, 44 nəfər yaralanıb, onlardan 10-nun vəziyyəti ağırdır.
Yanğın cümə axşamı axşam saatlarında Türkiyənin cənub-şərqində, Diyarbəkir və Mardin əyalətlərinə bitişik ərazidə başlayıb. Gecədə alov bir neçə kiçik icmaya yayılıb. Cümə günü səhər tezdən nəzarət altına alınıb.
Bu arada Türkiyənin şimal-qərbində yanğınsöndürənlər Çanaqqala vilayətinin Ayvacık qəsəbəsi yaxınlığında növbəti yanğınla mübarizə aparır. Hələlik yanğın zamanı xəsarət alan olmayıb, lakin səlahiyyətlilər ehtiyat tədbiri olaraq kiçik kəndi boşaldıblar. (İnterfax)