Türkiyədə mart ayında keçirilən bələdiyyə seçkilərində respublikanın cənub-şərqində yerləşən Hakkari şəhərinin bələdiyyə sədri seçilən Mehmet Siddyk Akiş məhkəmə tərəfindən terrorizmdə təqsirli bilinərək 19,5 il müddətinə azadlıqdan məhrum edilib. Bu barədə TRT telekanalı məlumat yayıb.
Məhkəmə Akişi “silahlı terror qruplaşmasına rəhbərlik etməkdə” təqsirli bilib. Prokurorlar ilkin olaraq onun terror qruplaşmasına rəhbərlik etmək və ona üzv olmaq ittihamı ilə 15 ildən 22,5 ilədək həbs cəzası istəyib.
Hakkari valisi Əli Çelik respublika Daxili İşlər Nazirliyinin əmri ilə bələdiyyə sədrinin səlahiyyətlərini icra edən təyin edilib. (Tass)