Türkiyənin Səhiyyə Nazirliyi dənizkənarı kurortlarda, xüsusən də Antalyada turistlər arasında Coxsackie virusuna yoluxma hallarının kəskin artması ilə bağlı xəbərləri təkzib edib. Bu barədə TASS-a nazirliyin mətbuat xidməti Rusiya sosial şəbəkələrində yayılan müvafiq xəbərləri şərh edərkən bildirib.
“Bölgədə Coxsackie virusuna yoluxma halları mütəmadi olaraq monitorinq edilir. Hazırda yerli otellərdə və təhsil müəssisələrində xəstəliyin baş verməsini nəzərdə tutan heç bir vəziyyət yoxdur”, – mətbuat xidməti qeyd edib.
ATOR xatırladıb ki, Coxsackie virusu əsasən 10 yaşdan kiçik uşaqlar arasında yayılır. Adətən xəstəlik yüngül keçir, əlavə müalicə tələb olunmur. İnfeksiya riskini minimuma endirmək üçün turistlərə əllərini daha tez-tez yumaq tövsiyə olunur. (Tass)