Polşanın baş naziri Donald Tusk 2024-cü il may ayının sonunda çağırılan Rusiya və Belarusun respublikadakı vəziyyətə təsirini araşdıran hökumət komissiyasının ləğv edilməsi haqqında sərəncam imzalayıb.
“Monitor Polski” hökumət bülleteninin saytında dərc olunan Polşa baş nazirinin sərəncamının mətnində deyilir: “2004-2024-cü illər ərzində Polşa Respublikasının daxili təhlükəsizliyinə və maraqlarına Rusiya və Belarusun təsirini araşdıran komissiya ləğv edilir. Sənəddə göstərilir ki, komissiya sentyabrın 30-dək buraxılmalıdır.
Hərbi Əks-Kəşfiyyat Xidmətinin rəhbəri general Yaroslav Struzikin rəhbərlik etdiyi komissiya bir illik iş ərzində üç hesabat hazırlayıb. 2024-cü il oktyabrın sonunda ilk hesabatın dərcindən sonra Polşa prokurorluğu “diplomatik xəyanət” törətməkdə şübhəli bilinən respublikanın keçmiş müdafiə naziri (2015-2018) Antoni Macierewicz barəsində araşdırmalara başlayıb. Komissiya Maçereviçi “Polşanın tanker təyyarələrinin alınması üzrə beynəlxalq proqrama qoşulmasına mane olmaqda” ittiham edib ki, bu da “Polşa Silahlı Qüvvələrinin potensialının azalmasına və dövlətin strateji təhlükəsizliyinə mənfi təsir göstərə bilər”. (Tass)