Boeing şirkətinin istehsalı olan üç P-8A Poseidon sualtı əleyhinə təyyarənin ilk partiyası Koreya Respublikasına gəlib. Bu barədə Yonhap agentliyi Cənubi Koreya Hərbi Dəniz Qüvvələrinə istinadən məlumat yayıb .
Təyyarə kəşfiyyat əməliyyatları da daxil olmaqla müxtəlif tapşırıqları yerinə yetirməyə, sualtı və suüstü gəmiləri vurmağa qadirdir. “P-8A Poseidon təkcə Hərbi Dəniz Qüvvələrinin sualtı qayıqlara qarşı imkanlarını gücləndirməyəcək, həm də sürətli cavab tədbirləri və təkmilləşdirilmiş kəşfiyyat vasitəsilə dəniz aviasiyasının əməliyyat imkanlarını təkmilləşdirəcək”, – Cənubi Koreya ordusu bildirib.
Təyyarələr yerüstü hədəflərə və sualtı qayıqlara hücum etmək üçün gəmi əleyhinə raketlər və torpedalar ilə təchiz edilib. Poseidon, düşmən sualtı qayıqlarını aşkarlaya və izləyə bilən təxminən 120 sonobuoy daşıya bilər. (Tass)
