Ukrayna hələ də mineral ehtiyatlar üzrə ikitərəfli sazişi müzakirə etmək üçün həftənin sonunda ABŞ-a getməyi planlaşdıran nümayəndə heyətini formalaşdırmayıb. Bu barədə Ukraynanın baş naziri Denis Şmıxal bildirib.
“Hazırda Ukrayna texniki səviyyədə xüsusi nümayəndə heyəti formalaşdırır. Biz beynəlxalq hüquq firmaları ilə də əməkdaşlıq edirik və bu həftənin sonunda vəkillərlə birlikdə nümayəndə heyətimizi ABŞ-a göndərəcəyik”, – o, Brüsseldə Aİ-Ukrayna Assosiasiya Şurasının iclasının yekunlarına dair mətbuat konfransında deyib.
Şmıxal uzun danışıqlar aparacağını proqnozlaşdırır və ümid edir ki, onların nəticəsində Kiyev Vaşinqtonla “bərabər şərtlərə” nail olacaq. Onun sözlərinə görə, Ukraynanın hazırlanmaqda olan sazişlə, xüsusən də Kiyevin uzun illərdir qoşulmağa çalışdığı konstitusiya və Aİ standartlarına uyğunluğu ilə bağlı “müəyyən qırmızı xətləri” var. “Bu, hər iki tərəf üçün bərabər şərtləri olan tərəfdaşlıq müqaviləsi olmalıdır”, o deyib. “Düşünürəm ki, bu həftə və gələn həftə texniki məsləhətləşmələr keçiriləcək. Və sonra biz bu danışıqlardan sonra nəticələri görəcəyik. Biz kifayət qədər nikbinik. Biz bu razılaşmanı real tərəfdaşlığa çevirmək üçün həll yolu tapmalıyıq. Və inanıram ki, texniki komandalar arasında yaxşı əməkdaşlıq olacaq”. (Tass)