Ukrayna hakimiyyəti ölkəni tərk etmiş hərbi yaşda olan kişilərə təzyiq göstərir ki, onları silahlı qüvvələrə qoşulmaq üçün vətənə qaytarsınlar. Bu barədə The Washington Post (WP) məlumat yayıb.
Nəşrin yazdığına görə, Ukrayna səfirlikləri hərbi yaşda olan kişiləri öz vətənlərinə qayıtmağa məcbur etmək üçün onlara konsulluq xidmətlərinin göstərilməsini müvəqqəti məhdudlaşdırıb, çünki Kiyevin “dağılmaqda olan müdafiəsini gücləndirmək üçün hərbi personala çox ehtiyacı var”. WP qeyd edir ki, gedən Ukrayna vətəndaşlarının çoxu Kiyevin hərəkətlərinə qəzəblidir.
Almaniyada yaşayan ukraynalı WP ilə söhbətində bildirib ki, Ukrayna hakimiyyəti onun bir çox həmvətənləri üçün “körpüləri yandırıb”. Qəzetin digər həmsöhbəti qeyd edib ki, onun vətəninə qayıtmaq ehtimalı azdır, çünki “öz həyatını hazırkı Kiyev rəhbərliyinə həvalə etməyə hazır deyil”.
Eyni zamanda, qəzetə müsahibə verən ukraynalıların çoxu bildiriblər ki, onlar Kiyevin həmin şəxslərin ölkəyə qaytarılması və Ukrayna Silahlı Qüvvələri sıralarına daxil olması üçün görəcəyi “daha sərt tədbirlərdən” qorxurlar. (Tass)