Kiyev 2023-cü ildə Qərb tərəfdaşlarından 42,5 milyard dollar alıb, lakin bu məbləğin yalnız dörddə biri qrant şəklində, yəni pulsuz verilib. Bu barədə Ukraynanın maliyyə naziri Sergey Marçenko məlumat verib.
“2023-cü ildə beynəlxalq tərəfdaşlarla 300-dən çox işçi görüşü keçirildi. Biz Ukraynanın büdcə ehtiyacları üçün 42,5 milyard dollar topladıq, bunun 25%-i qrant dəstəyi olub”, – Marçenko öz Facebook səhifəsində yazıb.
O əlavə edib ki, 2023-cü ildə Ukraynanın beynəlxalq maliyyə institutları ilə kredit layihələrinin portfellərinin həcmi bütün əməkdaşlıq illərində ən böyük olub. Həmçinin, Maliyyə Nazirliyinin rəhbəri qeyd edib ki, daxili bazarda borclanma ötən illə müqayisədə iki dəfə artıb. Onlar 15,5 milyard dollar təşkil edib.
Bundan əvvəl Ali Radanın Maliyyə Komitəsinin rəhbəri Daniil Getmantsev qeyd edib ki, noyabrın sonunda Ukraynanın dövlət borcu 5122,5 milyard qrivna və ya 140 milyard dolları keçib.Onun sözlərinə görə, 2023-cü ilin sonuna dövlət borcunun nisbəti ÜDM-ə nisbəti 2022-ci ildəki 78,4%-ə və 2021-ci ildə 48,9%-ə qarşı ÜDM-in təxminən 85%-ni təşkil edəcək. (Tass)
