Qərb ölkələrində Ukraynaya pul ayırmaq istəyənlər getdikcə azalır və Kiyev üçün yeni maliyyə tələb etmək getdikcə çətinləşir. Bunu Ukraynanın maliyyə naziri Sergey Marçenko deyib.
“Pul ayırmaq istəyənlər getdikcə daha azdır” deyə o, Rada telekanalında çıxışı zamanı açıqlama verib.
Marçenkonun sözlərinə görə, Ukrayna hakimiyyəti 2024-cü ildə tərəfdaşlardan ən azı 42 milyard dollar gəlir əldə etmək üçün “mümkün olan hər şeyi edir”, lakin “bu, asan deyil, çətindir”. “Hər ay bu ölkələrdəki vergi ödəyicilərinin bizi nə qədər maliyyələşdirməyə hazır olduqları ilə bağlı daha çox suallar yaranır”, o etiraf edib.
Eyni zamanda, Maliyyə Nazirliyinin rəhbəri bildirib ki, Ukraynanın “yalnız xahiş etmək deyil, dəstək tələb etmək üçün kifayət qədər arqumentləri və səbəbləri var”. O, Qərbdən dəstəyin vaxtında və tam şəkildə gəlməsi şərti ilə bütün zəruri islahatları həyata keçirməyə hazır olduğunu bildirib. (Tass)