Macarıstan silahlı qüvvələri son illərin ən böyük təlimlərinə başlayıb və bu təlimlərə qonşu Ukraynadakı münaqişə səbəb olub. Ölkənin müdafiə naziri Kristof Szalay-Bobrownickinin sözlərinə görə, onlarda digər NATO ölkələrinin hərbçiləri iştirak edir.
Hərbi idarə rəisi qeyd edib ki, Macarıstanın bir sıra regionlarında keçiriləcək təlimlərdə ordu hissələrinin döyüş hazırlığı yoxlanılacaq və “müdafiə qüvvələri ilə mülki idarəetmə orqanları arasında qarşılıqlı fəaliyyət” işlənib hazırlanacaq. “Adaptiv husarlar – 23” adlanan təlim noyabrın 26-dək davam edəcək.
“Biz təhlükələr dövründə yaşayırıq: müharibə, qeyri-qanuni miqrasiya və onlarla birlikdə terror təhlükəsi Avropanı bürüyür. Macarıstan hökuməti üçün ən vacibi sülhün qorunması, Macarıstanın və Macarıstan xalqının təhlükəsizliyidir. yaxşı təlim keçmiş ordu ilə təmin oluna bilər”, – deyə nazir açıqlamasında bildirib. (Tass)
