Ukrayna ölkənin bərpası proqramı çərçivəsində Avropa İttifaqından 150 milyon avro qrant alıb. Vəsaitlərin bir hissəsi, xüsusən də mühüm infrastruktur obyektlərinin dəstəklənməsinə yönəldiləcək. Bu barədə Ukrayna Maliyyə Nazirliyi məlumat yayıb.
“Avropa İttifaqı Ukraynanın dövlət büdcəsinin xüsusi fonduna qrant şəklində 150 milyon avro göndərib. Ukrayna Maliyyə Nazirliyinin saytındakı bəyanatda deyilir.
Xüsusilə, aşağı sinif şagirdlərinin məktəb yeməkləri ilə təmin edilməsinə 65 milyon avro, liman infrastrukturunun bərpasına 50 milyon avro, kənd təsərrüfatına dəstək üçün 20 milyon avro və mühüm infrastrukturun bərpasına 15 milyon avro ayrılacaq.
Qeyd olunur ki, bu, ümumi həcmi 300 milyon avro olan bu proqram çərçivəsində ikinci və sonuncu tranşdır. İlk tranşı 20 dekabr 2023-cü ildə Ukrayna alıb. (Tass)