Ukrayna Müdafiə Nazirliyinin keçmiş əməkdaşı və müdafiə müəssisəsinin keçmiş rəhbərləri yararsız tank əleyhinə raket qurğuları ilə ölkəyə təxminən 2,2 milyon dollar ziyan vurublar. Bu barədə Ukraynanın baş prokuroru Ruslan Kravçenko məlumat verib.
“Onlar istifadəyə yararsız raket buraxılış qurğuları tədarük edib və dövlətə 90 milyon qrivna (təxminən 2,2 milyon dollar ) məbləğində ziyan vurublar – Müdafiə Nazirliyinin keçmiş məmuru və müdafiə müəssisəsinin keçmiş rəhbərlərinə qarşı ittiham irəli sürülüb”, – Baş Prokurorluğun Teleqram kanalında deyilir.
İstintaqın məlumatına görə, Müdafiə Nazirliyinin idarələrindən birinin keçmiş rəisi pul oğurlamaq sxemində iştirak edir. Bütün şübhəlilər ittiham olunub. (Tass)