Ukrayna Silahlı Qüvvələrinin Baş Qərargahı (AFU) hava hücumu sirenləri zamanı mobil şəbəkənin söndürülməsi və ya mobil internetin sürətinin azaldılması lehinə çıxış edib. Bu barədə Ukraynanın “Obşçestvennoye. Novosti” nəşri məlumat yayıb.
“Belə hadisələrdə bir məqam var. Ona görə də bəzi hallarda PUA-ların FPV rejimində işini məhdudlaşdırmaq üçün mobil internetin sürətini azaltmaq məqsədəuyğun ola bilər”, – nəşr Baş Qərargahdakı mənbəyə istinadən yazır.
Onlar əlavə ediblər ki, kamerası olmayan dronların yüksək internet sürətinə ehtiyacı yoxdur, kameralarla təchiz edilmiş dronların isə yüksək məlumat ötürmə sürətinə ehtiyacı var. Onların vəziyyətində “mobil rabitə məhdudiyyətlərini tətbiq etmək məntiqlidir”.