Ukrayna və Latviya yaxın vaxtlarda Ukrayna Silahlı Qüvvələri üçün pilotsuz təyyarələrin istehsalına başlamağı planlaşdırır. Bu barədə Ukraynanın Baş naziri Denis Şmıqal məlumat verib.
“Biz gözləyirik ki, yaxın gələcəkdə Ukrayna müdafiə qüvvələrinin ehtiyacları üçün pilotsuz təyyarələrin birgə istehsalına başlayacağıq”, – Şmıqal latviyalı həmkarı Evika Silina ilə danışıqlardan sonra Telegram kanalında yazıb.
O əlavə edib ki, görüşdə mərmilərin birgə istehsalı mövzusu da müzakirə olunub. Şmıqalın sözlərinə görə, Ukrayna hərbçilərinin Latviyada hazırlanması ilə bağlı da razılıq əldə olunub.
Şmıqal həmçinin Delfi portalında Riqanın üç il ərzində hər il ÜDM-in 0,25%-ni Kiyevə yardıma xərcləməyi öhdəsinə götürəcəyi barədə məlumatı təsdiqləyib.
(Tass)