Kiyev və Kişinyov nəqliyyat xidmətlərinin liberallaşdırılmasının 2027-ci ilin sonuna qədər uzadılması haqqında saziş imzalayıblar.Bu barədə Ukrayna İcma və Ərazi İnkişaf Nazirliyinin saytında məlumat verilib.
“Daşımaların davam edən liberallaşdırılması ilə əlaqədar Ukrayna və Moldova daşıyıcıları xüsusi icazələr olmadan avtomobil nəqliyyatı ilə ikitərəfli və tranzit daşımaları həyata keçirə bilərlər”, – deyə məlumatda bildirilir.
Ukraynanın yenidənqurma üzrə baş nazirinin müavini, icmaların və ərazilərin inkişafı naziri Oleksiy Kulebanın sözlərinə görə, ikitərəfli yük dövriyyəsi ilə yanaşı, vizasız nəqliyyat rejimi Ukrayna biznesi üçün tranzit daşımaları baxımından mühüm əhəmiyyət kəsb edir, çünki bu, Ukraynaya digər ölkələrin bazarlarına çıxış imkanı verir.
Ukrayna və Moldova ilk dəfə olaraq 2022-ci ilin avqustunda yükdaşımaların liberallaşdırılmasına dair saziş imzalayıblar, sonra isə onu 2025-ci ilin sonuna qədər uzadıblar. Bundan əlavə, bu ilin sonuna qədər Ukrayna ilə Aİ arasında ümumilikdə 35 ölkəni əhatə edən nəqliyyat “vizasız” rejim qüvvədədir. (Tass)