Ukrayna-Polşa sərhədindəki Uqrinov-Dolqobiçev keçid məntəqəsi dekabrın 4-dən boş yük maşınlarının keçidi üçün açılacaq. Bu barədə Ukraynanın İcmaların, Ərazilərin və İnfrastrukturun İnkişafı Nazirliyi məlumat yayıb.
Cümə günü Ukraynanın infrastruktur nazirinin müavini Sergey Derkaçın Polşalı həmkarı ilə Varşavada keçirdiyi görüşdə sözügedən keçid məntəqəsindən boş yük maşınlarının keçməsi barədə razılığa gəldiyinə dair məlumat yayılıb, lakin onun açılma tarixi göstərilməyib.
“Uqrinov-Dolqobiçev keçid məntəqəsi Ukraynadan Polşaya boş yük maşınlarının hərəkəti üçün açılır. Bu, Polşa tərəfində, adətən, yalnız minik avtomobilləri və avtobuslara xidmət göstərən ümumi keçid məntəqəsidir. Dekabrın 4-dən isə çəkisi olan 5 ton və ya daha çox olan yük maşınları üçün açılacaq”, – departamentin Facebook-dakı mesajında deyilir.
Qeyd olunur ki, yük avtomobilləri elektron növbəyə yazılmadan sərhədi keçə biləcək və keçid məntəqəsinin buraxılış qabiliyyəti sutkada 100-dən çox olacaq. (Tass)