2022-ci ilin fevralından sonra xaricdəki təhsil müəssisələrinə daxil olan ukraynalılar səfərbərlikdən möhlət hüququndan məhrum edilə bilər. Bu barədə parlamentin üzvü Aleksey Qonçarenko məlumat verib.
Onun sözlərinə görə, Nazirlər Kabineti tələbələrin və professor-müəllim heyətinin möhlət alması qaydalarına “aydınlıq” əlavə edən qanun layihəsi hazırlayıb. Sənədə Ali Rada baxmalıdır.
Təklif olunan dəyişikliyə əsasən, 2022-ci ilin fevralından sonra xaricdə təhsilə başlayanlar səfərbərlikdən möhlət almağa ümid edə bilməyəcəklər. Yaşı 25-dən yuxarı olan və eyni və ya daha aşağı səviyyədə ikinci təhsil alan kişilər də bu hüququnu itirəcəklər. Deputatın izah etdiyi kimi, bir sıra işlərdə məhkəmələr ikinci təhsil alan və möhlət hüquqlarını sübut edən ukraynalıların tərəfini tutduğu üçün bu dəqiqləşdirmələr tələb olunub. (Tass)