Ukrayna prezidenti Vladimir Zelenski bildirib ki, hakimiyyət orqanları uzunluğu 2 min km olan üç müdafiə strukturu xətti tikmək niyyətindədir.
“Baş nazir Denis Şmıqalın yeni müdafiə xətlərinin tikintisinin sürəti haqqında hesabatı. Uzunluğu 2000 kilometr olan üç zolaqda müdafiə böyük miqyaslı işdir”, – o Telegram kanalında yazıb .
Kiyevin geniş şəkildə elan etdiyi əks-hücum əməliyyatının uğursuzluğundan və Ukrayna Silahlı Qüvvələrinin cəbhədəki bir sıra uğursuzluqlarından sonra Ukrayna hakimiyyəti müdafiə xətlərinin təchiz edilməsinə xüsusi diqqət yetirir, bu məqsədlər üçün xeyli vəsait ayırır. Ötən il noyabrın sonunda istehkamların tikintisi ilə məşğul olan idarələrarası işçi qrupu yaradılıb. Martın 4-də ölkənin baş naziri müdafiə xətlərinin tikintisini koordinasiya edən qərargahın gündəlik işlədiyini açıqlayıb. Onun sözlərinə görə, ilin əvvəlindən ölkədə istehkamların tikintisinə artıq 525 milyon dollara yaxın vəsait ayrılıb.
(Tass)
