Ukrayna Nazirlər Kabineti bu ilin sonuna qədər poçtla 900 min çağırış vərəqəsinin göndərilməsi üçün təxminən 72 milyon qrivna (1,74 milyon dollar) ayırıb. Bu barədə “Ukrayinska Pravda” nəşri hökumətdən daxil olan sənədlərə istinadən məlumat yayıb.
Nəşrin məlumatına görə, bu barədə qərar Nazirlər Kabinetinin sentyabrın 24-də keçirilən iclasında qəbul edilib. Rəsmilərin hər ay 300 min çağırış vərəqəsi çap etməyə hazırlaşdığı dəqiqləşib.
İyulun 17-dən Ukrayna hərbi komissarları çağırış vərəqələrini poçtla sonuncu qeydiyyat yerinə göndərə bilirlər. Vətəndaş onu qəbul etməkdən imtina etsə və ya əlinə almasa belə, çağırış vərəqəsi verilmiş sayılacaq. Çağırılan zaman gəlməyənlər axtarışa veriləcək. (Tass)