Ukrayna hakimiyyəti qadınların minatəmizləmə prosesində fəal iştirakını təmin etmək istəyir. Bunu ölkənin iqtisadiyyat naziri Yuliya Sviridenko gender bərabərliyi ilə əsaslandıraraq bildirib.
“Gender bərabərliyi Ukraynanın inteqrasiya, inklüzivlik və bütövlük prinsiplərinə əsaslanan siyasətinin tərkib hissəsi kimi qəbul edilir”.
Onun sözlərinə görə, qadınların fəal iştirakı minatəmizləmə prosesinin səmərəliliyini və effektivliyini artırmağa kömək edəcək. Sviridenko aydınlaşdırıb ki, hazırda Ukraynada bütün dövlət və qeyri-dövlət minatəmizləmə operatorları arasında qadınların iştirak səviyyəsi orta hesabla 30% təşkil edir, lakin hakimiyyət bu rəqəmi artırmağa çalışır.
Lakin sonra nazir etiraf edib ki, əsl səbəb kadr çatışmazlığındadır. “Ukraynanın minalarla mübarizədə məhdud resursları var, bizim daha çox minatəmizləmə operatorlarına, daha çox avadanlıqa, minatəmizləyicilər üçün təlimlərə ehtiyacımız var”, o əlavə edib. (Tass)