Ukraynanın Lvov vilayətinin məhkəməsi SSRİ bayrağını internetdə satmağa cəhd edən şəxsi 2 il şərti cəzaya məhkum edib. Bu barədə TSN xəbər agentliyi məlumat yayıb.
Adam kommunist simvollarının istehsalı və yayılmasını qadağan edən maddə ilə təqsirli bilinib. Eyni zamanda, o, özü də günahını etiraf etməyib və Ukraynada qüvvədə olan qadağadan xəbəri olmadığını bildirib. İnternetdə reklam görən digər Ukrayna vətəndaşının müraciəti əsasında cinayət işi başlanıb.
2014-cü ildə Ukraynada baş vermiş çevrilişdən sonra “Kommunist və Milli Sosialist Totalitar Rejimlərin Mühakiməsi haqqında” qanun qəbul edilib. Həmin vaxtdan ölkədə, xüsusən də sovet dövrünün simvol və abidələrinə qarşı mübarizə başladı. Səkkiz il ərzində Ukraynada sovet xadimlərinin 2 mindən çox abidəsi sökülüb, 900-dən çox yaşayış məntəqəsinin, o cümlədən 50 minə yaxın küçə, meydan və digər obyektlərin adı dəyişdirilib. (Tass)