Ukraynada yeni səfərbərlik dalğası işçi qüvvəsi çatışmazlığını artıracağından ölkə iqtisadiyyatına ciddi ziyan vuracaq. Bu barədə The Washington Post məlumat yayıb.
Nəşr yazıb ki, yeni səfərbərlik halında müəssisələr üçün işçi tapmaq getdikcə çətinləşəcək və bu, Ukraynanın dağılmış iqtisadiyyatına daha da böyük təzyiq göstərəcək. Qəzet qeyd edir ki, hazırda ölkədə vakant yerlər müraciət edənlərdən çoxdur və bu, işəgötürənləri maaşları artırmağa məcbur edir, əks halda müəssisələr rəqabətə tab gətirə bilməyəcək və bağlanma riski yaranacaq.
“Washington Post” qeyd edir ki, Ukraynada işçi qüvvəsi çatışmazlığı problemi münaqişə davam etdikcə daha da güclənəcək və xarici yardımdan asılı olan ölkə iqtisadiyyatına təzyiqlər artacaq. (Tass)