Ukraynada məmurların orta maaşı 2024-cü ilin dörd ayında 32% artıb. Bu barədə Ukraynanın “Strana” nəşri Maliyyə Nazirliyinin dərc etdiyi məlumatlara istinadən məlumat yayıb.
Nəşrin məlumatına görə, yanvarda məmurların orta hesablanmış əmək haqqı 38,6 min qrivna (təxminən 950 dollar), may ayında isə Maliyyə Nazirliyinin dərc etdiyi məlumatlara görə, 50,9 min qrivnaya (1,25 min dollardan çox) çatıb.
Eyni zamanda, ən yüksək orta əmək haqqı Milli Energetika Komissiyasında – 89,7 min qrivna (2,2 min dollardan çox), eləcə də Antiinhisar Komitəsində 88,3 min qrivna (təxminən 2,17 min dollar) qeydə alınıb. Ən aşağı əmək haqqı Dövlət Tənzimləmə Xidmətinin əməkdaşlarıdır – 24,7 min qrivna (600 dollardan bir qədər çox). (Tass)