Ukrayna hava hücumundan müdafiə sistemi də daxil olmaqla kəskin raket çatışmazlığını yaşayır. Bu barədə Ukraynanın ABŞ-dakı səfiri Oksana Markarova BloombergTV -də bildirib.
“Bizim hələ də döyüşmək istəyən kifayət qədər insanımız var, lakin bizdə avadanlıqlar, xüsusən də raketlər, raket əleyhinə qurğular və başqa hər şey tükənir”, – diplomat qeyd edib.
“ABŞ-ın bizə dəstəyini davam etdirməsi üçün mümkün olan hər şeyi etməliyik” deyib Markarova. O əlavə edib ki, Kiyev “dünən Vaşinqtonun dəstəyinə ehtiyac duydu”.
Ukrayna diplomatik missiyasının rəhbəri xatırladıb: “Keçən oktyabr ayından biz büdcə yardımı olmadan qaldıq, hərbi yardımımız tükənmək üzrədir”. (Tass)