Ümumdünya Səhiyyə Təşkilatı (ÜST) Qəzzaya “kritik tədarük” həyata keçirmək üçün humanitar dəhlizin açılmasını zəruri hesab edir. Təşkilatın rəsmi nümayəndəsi Tarik Yaşareviçin Cenevrədə keçirdiyi brifinqdə verdiyi məlumata görə, Qəzza zolağındakı yeddi ən böyük xəstəxanada mövcud olan lazımi material ehtiyatları tükənib.
“ÜST zorakılığa son qoymağa çağırır. İnsanlara kritik ləvazimatların çatdırılması üçün humanitar dəhliz lazımdır. ÜST bu məsələ ilə bağlı tərəfdaş qurumlarla işləyir”, – o bildirib.
O qeyd edib ki, Qəzza zolağındakı yeddi ən böyük xəstəxanada mövcud olan zəruri material və ləvazimat ehtiyatları hazırda tükənib. ÜST tibbi ləvazimatların alınması üçün 1 milyon dollardan istifadə edəcək ki, bu da 500-ə qədər xəstənin müalicəsi üçün kifayət edəcək. Yaşareviçin qeyd edib ki, oktyabrın 9-na ÜST Qəzzada altı tibb işçisinin ölümündən xəbərdar idi. Dörd həkim yaralanıb. Hücumlar zamanı 8 səhiyyə müəssisəsi və 9 təcili yardım maşını zədələnib.
Öz növbəsində, BMT-nin Humanitar Məsələlər üzrə Koordinasiya Ofisinin (OCHA) rəsmi nümayəndəsi Jens Larke brifinqdə bildirib ki, “Şənbə günündən bəri Qəzzada dörd məktəb zərər görüb”. 187,5 mindən çox insan evlərini tərk edib. “Döyüşlər davam etdiyi üçün əhalinin daha çox yerdəyişməsi gözlənilir” deyib. (Tass)