İranın dövlət xəbər agentliyi İRNA- nın verdiyi məlumata görə , Əmirliyin aşağı büdcəli aviaşirkəti Flydubai regionda vəziyyətin gərginləşməsi səbəbindən uçuşların təxminən üç həftəlik dayandırılmasından sonra Tehranın İmam Xomeyni hava limanına enən ilk beynəlxalq aviadaşıyıcı olub.
FZ1930 reysi cümə günü aviaşirkətin yerləşdiyi Dubay Beynəlxalq Hava Limanından havaya qalxıb. IRNA sərnişinlərə “təhlükəsizlik protokollarına tam uyğun olaraq” xidmət göstərildiyini bildirib. İran hakimiyyəti Tehrana ilk beynəlxalq reysin həyata keçirilməsini regionda sabitliyin bərpasının əlaməti adlandırıb.