Çinin xarici işlər naziri Vanq Yi gürcü həmkarı İlya Darçiaşvilini Müstəqillik Günü münasibətilə təbrik edib və iki ölkə arasında tərəfdaşlığın daha da möhkəmlənəcəyinə ümid etdiyini bildirib. Bu barədə Gürcüstan Xarici İşlər Nazirliyinin mətbuat xidməti məlumat yayıb.
“Ötən il ölkələrimiz arasında strateji tərəfdaşlıq qurulub, biz iki ölkə liderləri arasında əldə olunan konsensusun daha da möhkəmləndirilməsi və Çin-Gürcüstan münasibətlərində daha nəzərəçarpacaq irəliləyiş əldə etmək üçün işləməyə hazırıq”, – deyə Çinin xarici işlər naziri bildirib.
Türkiyənin xarici işlər naziri Hakan Fidan da Müstəqillik günü münasibətilə Darçiaşvilini təbrik edib. Fidanın məktubunda deyilir: “Gürcüstan regionumuzda sülh, sabitlik və rifah, eləcə də iqtisadi əməkdaşlığın dərinləşdirilməsi baxımından mühüm rol oynayır.
Gürcüstanın ilk diplomatı Ermənistan və Azərbaycandan olan həmkarlarından da təbrik məktubları alıb. (Tass)