“Onlar bizim malımızı talayıb və bizi yurdumuzdan didərgin salıblar”.
“Report” xəbər verir ki, bu fikirlə qanunsuz erməni silahlı birləşmələrinin tərkibində Xocalı rayonunun Meşəli kəndində soyqırımı törətməkdə təqsirləndirilən Vaqif Çerkezoviç Xaçatryanın cinayət işi üzrə növbəti məhkəmə prosesində zərərçəkmiş Elnarə Mehraliyevanın istintaqa ifadəsində qeyd edilib.
E.Mehraliyeva ifadəsində bildirib ki, Meşəli kəndi işğal ediləndə onun 10 yaşı olub: “Mən valideynlərim və qohumlarımdan eşitmişəm ki, ermənilər bizə qarşı vəhşilik ediblər və bizi qırıblar. Onlar bizim malımızı talayıb, bizi yurdumuzdan didərgin salıblar. Novruz kişi və onun qızını Xaçatryanın dəstəsi öldürdü”.
Daha sonra məhkəmə prosesində bildirilib ki, 3 zərərçəkmiş şəxs üzürlü səbəbdən ifadə verməyəcəklərinə görə məhkəməyə teleqramla müraciət ediblər.
Onlar istintaqa verdikləri ifadəni təsdiq ediblər.