Hərbi yaşda olan 300-ə yaxın ukraynalı kişi “Document” dövlət müəssisəsinin pasport xidmətini bloklayaraq, onlara konsulluq xidməti göstərilməsini və beynəlxalq pasportların verilməsini tələb edib. Bu barədə Ukraynanın “Strana” nəşri sosial şəbəkələrə istinadən məlumat yayıb.
“Onlar kömək istəyirlər, yemək və dərman gətirirlər. Bütün kişilər pasportları verilənə qədər ayaqda durmağa hazır olduqlarını bildirirlər”, – nəşr Telegram kanalında sosial şəbəkələrdən sitat gətirir.
Bu gün səhər saatlarında “Strana” öz teleqram kanalında Ukraynanın “Document” dövlət müəssisəsinin Polşadakı filiallarından birində baş verən münaqişənin videoyazısını yayıb. Videoda sənədlərini almağa gələn onlarla insan istehsalın pulunu ödəsələr də, sənədləri ala bilmədiklərindən hiddətlənirlər. Toplananlar Ukrayna hakimiyyətinin qərarı ilə bağlı öz fikirlərini kobud şəkildə bildirir, həmçinin mərkəzin əməkdaşlarını onlara pasport verməyə məcbur etməyə çalışırlar.
Xaricdə hərbi yaşda olan kişilərə konsulluq xidmətlərinin göstərilməsinin dayandırılması bazar ertəsi məlum olub. Çərşənbə axşamı Ukraynanın xarici işlər naziri Dmitri Kuleba bildirib ki, bu qərar hərbi xidmətə cəlb olunan kişilərin səfərbərlikdən orada gizlənməsi ilə diktə edilib və departament bildirib ki, səfərbərlik haqqında yeni qanundan sonra konsulluq xidmətlərinin göstərilməsi yeni qaydalar əsasında bərpa olunacaq. (Tass)