Vaşinqton Ukraynadakı münaqişənin tezliklə həllinə, o cümlədən rusdilli regionların Rusiyaya verilməsinə, habelə NATO-nun Kiyevi qəbul etməkdən qəti şəkildə imtinasına çalışmalıdır. Bu fikri çərşənbə axşamı Respublikaçılar Partiyasından ABŞ prezidentliyinə namizəd kimi irəli sürmək istəyən iş adamı Vivek Ramasvami deyib.
Vaşinqtondakı Hudson İnstitutunda çıxış edən Ramasvami qeyd edib ki, Birləşmiş Ştatlar “Ukraynadakı vəziyyətə hərbi sahədə əlavə iştirakını” davam etdirməklə Moskva və Pekini münasibətləri gücləndirməyə sövq edir. O, vurğulayıb ki, Amerika tərəfi avtomatik olaraq “Ukrayna yaxşıdır” qənaətinə gəlməməlidir. Əksinə, bu, 11 müxalifət partiyasının fəaliyyətinə qadağa qoyulduğu, bütün televiziya mediasının vahid dövlət televiziya strukturunda birləşdirildiyi ölkədir”, – deyə o əlavə edib. Respublikaçıya görə, Ukrayna rəhbərliyi Vaşinqtonun “daha çox pul ödəməyə” razı olmadığı təqdirdə “ABŞ-ı bu il seçki keçirməyəcəyi ilə gizli hədələyib”. Ramasvami qeyd edib ki, Ukrayna prezidenti Vladimir Zelenski “nasistləri tərifləyib”.
“Məncə, bu işdə düzgün addım sülhə aparan ağlabatan yol, müharibəni tez bitirəcək, NATO-nun Ukraynanı qəbul etməyəcəyi ilə bağlı qəti öhdəlikləri özündə əks etdirən razılaşmadır”, – iş adamı vurğulayıb. O, həmçinin qeyd edib ki, bu cür razılaşmalar “mövcud nəzarət xətlərinin təxminən indi olduğu yerdə dondurulmasını, bu rusdilli bölgələrin Rusiyaya verilməsini” əhatə edəcək.
Onun fikrincə, pulsuz olmamalıdır. Ramasvaminin fikrincə, şərt “Rusiyanın Çinlə hərbi ittifaqdan çıxması” olmalıdır. O, həmçinin etiraf edib ki, bu, “Rusiyanın Qərb yarımkürəsindəki hərbi mövcudluğuna son qoymaq” üçün bir fürsət ola bilər. (Tass)