Venesuelanın xarici işlər naziri İvan Gil Rusiyanın Venesueladakı səfiri Sergey Melik-Baqdasarovla görüşündən sonra Rusiya ilə strateji müttəfiqlik və iki ölkə arasında münasibətlərin daha da inkişaf edəcəyini açıqlayıb.
“Biz Rusiyanın Venesueladakı səfiri Sergey Melik-Baqdasarov ilə görüş keçirdik, görüşdə iki ölkə arasında həm ikitərəfli, həm də çoxtərəfli münasibətlər üçün qarşılıqlı maraq doğuran məsələlər üzrə strateji müttəfiqliyi təsdiqlədik”, – Venesuela Xarici İşlər Nazirliyinin rəhbəri dekabrın 6-da sosial şəbəkədəki X səhifəsində (keçmiş Twitter) yazıb. “Görüşdə biz həmçinin regiondakı mövcud vəziyyəti və xalqlarımızın sabitliyini və rifahını təmin etmək üçün bolivar sülh diplomatiyasının səylərini müzakirə etdik” Gil qeyd edib.
Venesuelanın Rusiyadakı səfiri Xesus Rafael Salazar TASS agentliyinə Venesuela prezidenti Nikolas Maduronun dekabrda Moskvaya gözlənilən səfəri barədə danışıb. (Tass)