Qərbin Ukrayna münaqişəsində Rusiyanın tam məğlubiyyətinə hesablanmış hərəkətləri Avropa ölkələrinə ciddi ziyan vurur. Bu fikri Serbiya Prezidenti Aleksandr Vuçiç Avropa Siyasi Birliyinin sammitinin keçirildiyi Oksford yaxınlığındakı Blenheym sarayına gələrkən deyib.
“Bizim üçün sülh vacibdir, lakin çoxları belə düşünmür, bunu anlamırlar, görmürlər və ya tərəflərdən biri tamamilə məğlub olana qədər müharibə aparmaq lazım olduğunu düşünürlər. Buna səbəb olan da budur. Avropada hər kəsə böyük ziyan dəyəcək, buna görə də əmin deyiləm ki, bu (sülhə nail olmaq ) hər kəsin razılığını alacaq, lakin bu, Serbiyanın mövqeyi olacaq, biz sülh, tərəqqi, iqtisadi inkişaf istəyirik mövqeyimizi buna uyğun qurun”, – Vuçiç bildirib.
Bundan əvvəl Serbiya lideri Almaniyanın “Handelsblatt” qəzetinə verdiyi müsahibədə “hansı şəraitdə olursa olsun” Ukraynada tezliklə atəşkəsin lehinə danışıb və əlavə edib ki, münaqişə zonasında vəziyyətin daha da pisləşəcəyini gözləyir. (Tass)