Serbiya prezidenti Aleksandar Vucic ölkədə mart ayında keçirilən etirazlar zamanı hökuməti zorakılıqla devirməyə yönəlmiş rəngli inqilab cəhdinin edildiyini bildirib. Dövlət başçısı bu fikri Rusiya Federasiyası Federal Təhlükəsizlik Xidmətinin ekspert qrupunun 2025-ci il martın 15-də Belqradda keçirilən etiraz aksiyasında səs topundan istifadə edilməsi ilə bağlı hesabatının dərci fonunda bildirib.
“Hörmətli Serbiya vətəndaşları, aprelin 15-də axşam saatlarında ölkəmizdə “rəngli inqilab” həyata keçirməyə cəhd edilib və konstitusiya quruluşunun zorakılıqla devrilməsi üçün hər şey hazırlanıb. Dünən bizə Rusiya FSB-dən rəsmi məlumat daxil olub. Bu məlumatda qəti şəkildə bildirilir ki, Serbiya Respublikasının polisi ilə xidmətdə olan akustik cihazlar etiraz zamanı istifadə olunmayıb”.
“Mən şəxsən axtaracağam və ictimaiyyəti çaşdıran və səs topundan və ya digər akustik qurğulardan istifadə ilə bağlı yalan danışanların hamısını məsuliyyətə cəlb edəcəyəm”, – Serbiya lideri yekunlaşdırıb. (Tass)