Vyetnam Rusiya Federasiyasını özünün prioritet tərəfdaşı hesab edərək, onunla əlaqələrin inkişafına böyük əhəmiyyət verir. Bunu Vyetnam Sosialist Respublikasının (SRV) prezidenti To Lam Rusiyanın Vyetnamdakı səfiri Gennadi Bezdetko ilə görüşündə deyib.
“Vyetnam Rusiyanı həmişə xarici siyasətində prioritet tərəfdaşlardan biri hesab edir, Rusiya Federasiyasındakı vəziyyəti daim diqqətlə izləyir və Rusiyanın sabit inkişafının tərəfdarıdır”, – prezident təsdiqləyib. O, Vyetnamın partiyası, dövləti və xalqının keçmişdə ölkənin müstəqilliyi və yenidən birləşməsi uğrunda mübarizədə, eləcə də yeniləşmə prosesində Vyetnama göstərdikləri böyük və səmimi yardımı daim xatırladığını vurğulayıb.
Vyetnam dövlətinin başçısı səfirdən Rusiya Prezidenti Vladimir Putinə Vyetnamın prezidenti seçilməsi münasibətilə xoş arzularına görə minnətdarlıq sözlərini çatdırmağı xahiş edib. To Lam həmçinin rus xalqını martda keçirilmiş prezident seçkilərinin uğurlu keçməsi münasibətilə təbrik edib və Putinin rəhbərliyi altında Rusiyanın bundan sonra da inamla inkişaf edəcəyinə əminliyini bildirib. (Tass)