İyunun 23-də Xəzər Universitetində Konfutsi siniflərinin açılış mərasimi keçirilib.
AZƏRTAC xəbər verir ki, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Konfutsi siniflərinin yaradılmasını Azərbaycan-Çin əməkdaşlığının inkişafında, xüsusilə təhsil sahəsində mühüm hadisə kimi dəyərləndirib.
Çin Xalq Respublikasının ölkəmizdəki səfiri xanım Qo Min Xəzər Universitetində Konfutsi siniflərinin açılmasının iki ölkə arasında humanitar əməkdaşlığın dərinləşməsinə töhfə verəcəyinə əminliyini ifadə edib. O, fəaliyyətə başlayan Konfutsi siniflərində yüksəkixtisaslı Çin dili mütəxəssislərinin hazırlanacağına əminliyini bildirib.
Tədbir bədii hissə ilə davam edib.
