Xaçmazda 9 gün öncə maşınını ağaca çırparaq qəza törədən 42 yaşlı şəxs bu gün ölüb.
APA xəbər verir ki, hadisə oktyabr ayının 7-də baş verib. Xaçmaz rayon sakini 1981-ci il təvəllüdlü Pərviz Eyulla oğlu Hüseynov öz maşını ilə hərəkətdə olarkən idarəetməni itirərək ağaca çırpılıb. Ağır xəsarətlər alan sürücü Sumqayıt Təcili Tibbi yardım xəstəxanasına çatdırılıb.
Göstərilən tibbi yardımlara baxmayaraq, P. Hüseynov bu gün səhər saatlarında müalicə aldığı xəstəxanada ölüb.
