Xerson vilayətinin Kiyev tərəfindən nəzarət edilən hissəsindəki daha dörd yaşayış məntəqəsində uşaqların məcburi təxliyəsi elan edilib. Bu barədə Ukrayna İcmalar və Ərazilərin İnkişafı Nazirliyi məlumat verib.
Nazirliyin Telegram kanalında dərc olunan məlumata görə, Stanislav və Xerson icmalarındakı yaşayış məntəqələrindən “46 uşağın valideynləri və ya qanuni qəyyumları ilə birlikdə məcburi təxliyəsi” elan edilib.
Bəzi ailələrin Nikolayev və Odessaya köçürüləcəyi dəqiqləşdirilib. Vinnitsa, Volın, Dnepropetrovsk, Kirovoqrad və Poltava vilayətlərində təxliyə edilən sakinləri yerləşdirmək üçün “ilkin razılaşmalar” da mövcuddur. (Tass )