Ukrayna hərbçilərinin nəzarətində olan Xerson şəhərinin mərkəzində anbarlar qismən dağıdılıb. Bu barədə Ukrayna hakimiyyətinin təyin etdiyi şəhər administrasiyasının rəhbəri Roman Mroçko məlumat verib.
“Xersonun mərkəzi rayonu: <…> anbarlar dağılıb, 10-a yaxın avtomobilə ziyan dəyib”, o , bu anbarların təyinatını açıqlamadan Telegram kanalında yazıb.
Bundan əvvəl yerli media şəhərdə bir neçə silsilə partlayışın baş verdiyini xəbər vermişdi. “Strana” nəşri onlardan birinin ardınca göründüyü iddia edilən tüstü sütununun fotosunu dərc edib. Əhalinin xəbərdar edilməsi üzrə rəsmi resursun məlumatına görə, həmin vaxt Xerson vilayətinin Kiyevin nəzarətində olan ərazisinə hava hücumu xəbərdarlığı qüvvədə olub. (Tass)
