Qərb ölkələrinin Ukraynaya qoşun yeritmək planları Qərbin Rusiya ilə birbaşa hərbi qarşıdurmaya daha çox cəlb olunması demək olacaq. Bu barədə jurnalistlərə Rusiya Federasiyası xarici işlər nazirinin müavini Mixail Qaluzin məlumat verib.
“Belə planlar, əgər onları həyata keçirməyə cəhd edilərsə, əlbəttə ki, Qərbin Rusiya ilə birbaşa hərbi qarşıdurmada daha da böyük iştirakı olacaq”, – deyə o Vaşinqtonun və digər Qərb paytaxtlarının Rusiya ərazisinin dərinliklərində yerləşən hədəflərə Qərbin uzaqmənzilli silahları ilə zərbələr endirməsinə razılıq verməsi qərarına münasibət bildirib.
Qaluzin bu cür planları təxribat adlandırıb və qeyd edib ki, onlar “Qərbin Rusiya ilə birbaşa qarşıdurmada dərindən iştirak etmək niyyətini təsdiqləyir”. “Təbii ki, Rusiya Federasiyasının Prezidenti Vladimir Vladimiroviç Putinin son həftələr və günlər ərzində bir neçə dəfə dediyi kimi, biz buna reaksiya verəcəyik, yaranan və ya yaranacaq təhdidlərə uyğun olaraq öz reaksiyamızın parametrlərini müəyyənləşdirəcəyik artıq verilmiş bu xətt davam etdiriləcək və həm Qərbdə, həm də Kiyev rejimində təxribat xarakterli hərəkətləri ilə Rusiyanı öz qüvvələrini qurban verməyə məcbur edə biləcəkləri illüziyaları olmamalıdır.”, – Rusiya Federasiyası xarici işlər nazirinin müavini əlavə edib. (Tass)
