Yəmənin Ənsar Allah qiyamçı hərəkatının husiləri Ərəb dənizində İsrailin MSC SKY gəmisinə raket zərbəsi endirib. Bu barədə hərəkatın hərbi nümayəndəsi Yəhya Səriya bildirib.
“Yəmən donanması İsrailə məxsus MSC SKY gəmisinin Ərəb dənizində bir neçə gəmi əleyhinə raketlə hücuma məruz qaldığı bir əməliyyat həyata keçirdi. Zərbə dəqiq və birbaşa olub”, – Saria Husilərə məxsus Al Masirah telekanalında deyib .
Hərəkatın sözçüsü bildirib ki, hücum “raket qüvvələri və hava qüvvələrinin Qırmızı dənizdəki bir sıra düşmən ABŞ gəmilərinə çoxsaylı ballistik raketlər və pilotsuz təyyarələr atdığı yüksək keyfiyyətli əməliyyatdan bir neçə saat sonra” baş verib.
Kral Hərbi Dəniz Qüvvələrinin Dəniz Ticarət Koordinasiya Mərkəzi bazar ertəsi Yəmənin Ədən limanından 91 dəniz mili cənub-şərqində gəmiyə hücum edildiyini bildirib. Britaniyanın dəniz təhlükəsizliyi şirkəti Ambrey-in məlumatına görə, konteyner gəmisinə hücum edilib və gəmidə yanğın baş verib.