“Report” xəbər verir ki, bunu BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) baş danışıqçısı Yalçın Rəfiyev İkiillik şəffaflıq hesabatlarının hazırlanmasında potensialın gücləndirilməsinə dair seminarda deyib.

“İqlim məsələlərinin bir-biri ilə əlaqəli olduğunu qəbul etməklə yanaşı, hesab edirik ki, qlobal əməkdaşlıq və dialoq vasitəsilə beynəlxalq resurslarımızı artıra bilərik”, – o vurğulayıb.

Onun sözlərinə görə, COP29 dialoq üçün şəraitin yaradılmasına və bundan istifadə olunmasına imkan verəcək: “Bu zaman danışıqların qlobal perspektivləri əks etdirməsini, daha əhatəli və inklüziv nəticəyə gətirib çıxara bilməsini təmin etmək üçün Azərbaycanın strateji mövqeyindən istifadə ediləcək”.