Yaponiyanın baş naziri Şiqeru İşiba Yaxın Şərqdə vəziyyətin pisləşməsi, o cümlədən ABŞ-ın İrana zərbəsi, habelə ABŞ prezidenti Donald Trampın görüşdə iştirak etməməsi səbəbindən NATO-nun Haaqa sammitindən çıxmaq niyyətindədir, NHK mənbələrə istinadən xəbər verir.
Bundan əvvəl Cənubi Koreya prezidenti Li Çje Myonq da sammitdə iştirakdan imtina etmişdi. Onun administrasiyası bunu “inauqurasiyadan sonra bir çox dövlət işləri” və “Yaxın Şərqdə vəziyyətin dəyişməsi” ilə izah edib. Son illərdə Yaponiyanın baş naziri mütəmadi olaraq Şimali Atlantika Alyansı liderlərinin görüşlərində iştirak edib. Onun yerinə xarici işlər naziri Takeşi İvayanın Haaqaya gedəcəyi gözlənilir. (Tass)