Yaponiya hökuməti Fələstin-İsrail münaqişəsinin gərginləşməsi ilə əlaqədar Qəzza zolağının sakinlərinə humanitar yardım kimi beynəlxalq təşkilatlar vasitəsilə 10 milyon dollar ayıracaq. Bunu mətbuat konfransında ölkənin xarici işlər naziri Yoko Kamikava deyib.
O, İsrailə hücumla bağlı HƏMAS-ı tənqid edib. Eyni zamanda, departament rəhbəri vurğulayıb ki, Tokio “günahsız mülki şəxslərə və fələstinli qaçqınlara yardım göstərmək, habelə humanitar yardıma çıxışı yaxşılaşdırmaq üçün diplomatik səyləri davam etdirəcək”.
“Biz vəziyyəti ciddi narahatlıqla izləyirik. Vəziyyəti tez bir zamanda həll etmək və Qəzza zolağında humanitar vəziyyəti yaxşılaşdırmaq üçün bütün tərəflərlə işləyəcəyik”, – Kamikava bildirib. (Tass)