Yaponiya Özünümüdafiə Qüvvələri Okinavanın cənubundakı Filippin dənizində ABŞ Hərbi Dəniz Qüvvələri ilə birgə təlimlər keçirib və bu təlimlərdə iki Amerika təyyarədaşıyan qrupu Teodor Ruzvelt və Karl Vinson iştirak edib. Bu barədə Yaponiya Dəniz Özünümüdafiə Qüvvələrinin bəyanatında deyilir.
Yanvarın 29-dan fevralın 1-dək davam edən manevrlərə ümumilikdə 11 ABŞ gəmisi və Yaponiyanın Hyuqa sinfinə aid bir helikopter esminesi cəlb olunub.
Tərəflər beynəlxalq sularda birgə əməliyyatlar, o cümlədən aviadaşıyıcı təyyarələrin qalxması və enməsi, hava hücumundan müdafiə, dəniz kəşfiyyatı və taktiki təlimlər keçirib.
“Filippin dənizində koordinasiya edilmiş dəniz əməliyyatları ABŞ Hərbi Dəniz Qüvvələrinin Hind-Sakit okean regionunda normal mövcudluğunun bir hissəsidir. ABŞ Hərbi Dəniz Qüvvələri tərəfdaşlarımız şəbəkəmizlə birlikdə regionda dəniz təhlükəsizliyini və maneəsiz qanuni ticarəti təmin etmək üçün əvəzsizdir”. Bu barədə ABŞ-ın Yeddinci Donanması məlumat yayıb. (Tass)