Yaponiya və ABŞ müdafiə sektorunda, o cümlədən silah istehsalı və texniki xidmət sahəsində əməkdaşlığın intensivləşdirilməsi barədə razılığa gəliblər. Tərəflər müvafiq departamentlərin nümayəndələri səviyyəsində Tokioda aparılmış danışıqların yekunlarına əsasən müvafiq razılığa gəliblər.
Kyodo agentliyinin məlumatına görə , tərəflər, xüsusən, raketlərin birgə istehsalı məsələsi üzrə işçi qruplar yaratmaq barədə razılığa gəliblər. Gücləndirilmiş ikitərəfli əməkdaşlığın digər sahəsi Yaponiyada Amerika gəmi və təyyarələrinin yenidən təchiz edilməsi və modernləşdirilməsi olmalıdır.
Yaponiyanın baş naziri Fumio Kişida və ABŞ prezidenti Co Bayden bu ilin aprelində müdafiə sektorunda ikitərəfli əməkdaşlığı genişləndirmək üçün danışıqlara başlamaq barədə razılığa gəliblər. Artıq Tokio və Vaşinqton tərəfindən bu mövzuda müxtəlif səviyyələrdə məsləhətləşmələrin müntəzəm olaraq keçiriləcəyi gözlənilir. (Tass)