Yaponiyanın baş naziri Şiqeru İşiba bir sıra yapon KİV-lərində rəhbərlik etdiyi Liberal Demokrat Partiyasının (LDP) yuxarı palata seçkilərində qalib gələ bilməməsindən sonra istefa vermə planları ilə bağlı yayılan xəbərləri təkzib edib.
“Mənim [keçmiş baş nazirlər Yoşihide Suqa, Fumio Kişida və Taro Aso ilə görüşdə] qalıb-qalmamağımla bağlı heç bir müzakirə olmayıb. Bəzi KİV-lər bu barədə məlumat yayıblar, amma mən heç vaxt belə bəyanatlar verməmişəm. Bu xəbərlər doğru deyil.
Bundan əvvəl “Mainichi” qəzeti yazıb ki, İşiba avqustun sonunadək istefasını elan etmək planları barədə yaxın ətrafına məlumat verib. Kyodo xəbər agentliyi LDP-nin yüksək səviyyəli rəsmilərinə istinadən istefanı qaçılmaz adlandırıb. Yomiuri qəzeti İşibanın iyulda istefa verə biləcəyini yazıb. (Tass)